პრობლემა, გადაჭრის გზები

               მწეველები ჩვენს ირგვლივ - ეს ჩვენი პრობლემაა...

  

           
      შემაშფოთებელია ის გარემო, რომ მწეველთა რიცხვს ემატება მოზარდთა დიდი   რაოდენობა. ჩვენ არაერთხელ გვისაუბრია სადამრიგებლო საათზე თამბაქოს შემადგენლობასა  და მის მავნებლობაზე, ჯერ კიდევ მეექვსე კლასში დამრიგებლის ხელმძღვანელობით  შევიმუშავეთ პროექტი  და ჩავატარეთ პრეზენტაცია "ცხოვრების ჯანსაღი წესი", დღესდღეობით  ჩვენი თანაკლასელები  დაინტერესებულები არიან რაგბით, ცურვითა  და  ფეხბურთით. ასევე  ქართული-ხალხური და თანამედროვე ცეკვებით.  
    მაგრამ  თამბაქოს მოხმარების პრობლემა  მაინც პრობლემად რჩება  ნაცნობ თინეიჯერებს შორის. ამ კატეგორიას მიეკუთნებიან ძირითადად ის ახალგაზრდები, რომლებმაც  მიიღეს  ცხრაწლიანი განათლება და დროის უმეტეს ნაწილს ქუჩაში ატარებენ. ჩვენ გავესაუბრეთ მათ და შევეცადეთ დაგვედგინა მიზეზი, თუ  როდის  და რატომ დაიწყეს მათ  თამბაქოს მოხმარება.
       ალეკო, 15წლის... პირველად თამბაქოს  მოხმარების სურვილი გამიჩნდა, როდესაც აღვმოვჩნდი მწეველ-მოზარდების საზოგადოებაში, რომლებმაც შემომთავაზეს სიგარეტის მოწევა. ინტერესის და თავის დამკვიდრების   მიზნით უარი ვერ  ვუთხარი, ჯერ უსიამოვნო გრძნობა დამეუფლა, შემდეგ კი  ჩვევად ჩამომიყალიბდა...
      მიხეილი,16წლის...პირველად სიგარეტი მოვწიე ორი წლის წინ ინტერესის გამო. რა ზიანი მოაქვს სიგარეტს, ამაზე არ მიფიქრია,.. 
      ალექსანდრე, 16წლის...სიგარეტი დავაგემოვნე მაშინ, როდესაც ვიყავი სტუმრად მეგობართან. ის ბიჭი იყო მწეველი და შემომთავაზა, რომ მეც გამესინჯა სიგარეტი. თავიდან ხველება დამეწყო, მაგრამ დროთა განმავლობაში მივეჩვიე მას...
  საუბრის დროს შევამჩნიეთ, რომ ისინი არ ზრუნავდნენ თავის ჯანმრთელობაზე და ვერც კი იაზრებდნენ, რა უარყოფოთ გავლენას ახდენდა მათზე თამბაქოს კვამლი... 
  სწორედ ამ ფაქტმა განაპირობა ჩვენი ჩართვა ამ პროექტში  და გადავწყვიტეთ დავხმარებოდით ჩვენს მეგობრებს. ერთად  დაგვეძლია არსებული პრობლემა და დაგვეხსნა ისინი  თამბაქოს "ხაფანგიდან",

პრობლემა:

ძირითადი პრობლემა, რომელიც აისახა თინეიჯერებთან გასაუბრებისას,  არის სიგარეტის მოწევა ადრეულ ასაკში, თამბაქოს მოხმარების მიზეზი  ცნობისმოყვარეობაა.  საუბრის დროს გამოიკვეთა, რომ  მათ არ აქვთ სრული ინფორმაცია თამბაქოს მავნებლობაზე და დროის უმეტეს ნაწილს ქუჩაში ატარებენ. ნაკლებად არიან დაინტერესებულები ჯანსაღი ცხოვრების წესით.
მიზანი:

დავეხმაროთ  თანატოლებს  და შევიტანოთ ჩვენი წვლილი  ჯანსაღი ცხოვრების წესის პოპულარიზაციაში.

პრობლემის გადაჭრის გზები:

მოვიძიოთ სრული ინფორმაცია თამბაქოს აღმოჩენაზე, გავრცელებასა და  მის მავნებლობაზე და გავაცნოთ საზოგადოებას;

გავესაუბროთ ფსიქოლოგს, ექიმს და სასულიერო პირს;

ჩავატაროთ კონფერენცია "თამბაქოს მავნებლობა".  კომფერენციაზე მოვიწვიოთ მწეველი თინეიჯერები;

მოვამზადოთ პრეზენტაციები, სლაიდები და ვიდეოფილმები თამბაქოს მავნე თვისებებზე და გავაცნოთ მწეველებს;
შევქმნათ ბუკლეტები და დავარიგოთ საზოგადოებრივ თავშეყრის ადგილებში;

თამატოლები დავაინტერესოთ სპორტით, ჩავატაროთ სპორტული შეჯიბრებები;
შევქმნათ ვიდეორგოლი და გამოვექვეყნთ ინტერნეტ-სივრცეში, ამით გავუღრმავებთ ინტერესის სფეროს და მოვუწოდებთ, იცხოვრონ ჯანსაღი ცხოვრების წესით.