დასკვნა

 ბლოგზე  მუშაობა ჩვენთვის ძალიან საინტერესო და საპასუხისმგებლო გამოდგა. საინტერესო იმით,რომ თამბაქოს–ერთი შეხედვით უწყინარი მცენარის შესახებ გავიგეთ ბევრი ისეთი რამ,რაც ჩვენთვის მანამდე უცნობი იყო. მაგალითად, თამბაქოს აღმოჩენის და გავრცელების  ისტორია. საინტერესო იყო ასევე გავცნობოდით  თამბაქოს შემადგენლობას, რომელიც ძალიან ბევრ რამეს გვეუბნება  ამ მცენარის ავ–კარგიანობაზე :ნიკოტინი 1–4%, ნახშირწყლები 2–20%, ორგანული მჟავები 5–17%, ცილები 1–3%. პროექტისთვის  ჩვენ მიერ ჩატარებულმა კვლევამ,რომელიც მოიცავდა  თანატოლების ("თინეიჯერების") გამოკითხვას  აეროპორტის დასახლების  ტერიტორიაზე,ბევრი რამ სხვა თვალით დაგვანახა...ამ გამოკითხვის შედეგად დავადგინეთ  სიგარეტის მოწევის ძირითადი  მიზეზი: მოზარდების ცნობისმოყვარეობა   და ინტერესი თამბაქოს  მოხმარების მიმართ. დავგეგმეთ და შევიმუშავეთ პრობლემის გადაჭრის გზები იმ მიზნით, რომ  მოგვეძია, გაგვეანალიზებინა  და  გვესაუბრა   თანატოლებთან  თამბაქოს მოხმარების  შედეგად გამოწვეულ დაავადებებზე: კარიესი,სტომატიტი,კუჭის სეკრეცია,კუჭის წვენის მჟავიანობა, ათეროსკლეროზი,  ბრონქული ასთმა, ფილტვისა და ყელის კიბო- ეს ის მცირე ჩამონათვალია, რისი წარმოშობაც მოწევას  უკავშირდება. სტატისტიკურმა მონაცემებმა იმის შესახებ,რომ მოწევით განპირობებული დაავადებებით ყოველწლიურად 4 მილიონი ადამიანი აღუპება(1 კაცი 10 წამში) ძალიან დაგვაფიქრა. ამიტომ გვინდა  ახალგაზრდებს მოვუწოდოთ, რომ  ნუ  დაიწყებენ  მოწევას, ნუ გაეხვევიან თამბაქოს ხაფანგში, აირჩიონ ცხოვრების ჯანსაღი წესი, გამოიჩინონ ინტერესი სპორტის მიმართ. ამ მიზანს ემსახურება ჩვენს მიერ შემუშავებული ვიდეორგოლი  და ჩატარებული სპორტული შეჯიბრებები. გვინდა ავღნიშნოთ, რომ პროექტის  შედეგად  რამოდენიმე  მწეველ-თინეიჯერმა გადადგა სწორი ნაბიჯი - შეამცირა სიგარეტის მოხმარება (ეტაპობრივათ), ჩაეწერნენ სპორტულ სექციებში (რაგბი და ფრენბურთი), ორმა დაიწყო სიარული ტრენაჟორის დარბაზში.
  თუკი  ჩვენი ბლოგის დათვალიერების შემდეგ ერთ ადამიანს მაინც გაუჩნდება სურვილი იმისა,რომ არ(ან აღარ) მოსწიოს, მაშინ  ჩავთვლით, რომ ჩვენ მიზანს მივაღწიეთ.